كورتكراوه‌كانی كیبۆرد

6-4-2010

هه‌موومان گرنگی ماوس له‌به‌كارهێنانی كۆمپیوته‌ر ده‌زانین، چه‌ندین كورتكراوه‌ی كیبۆرد هه‌ن كه‌ كارمان زۆر بۆ ئاسان ده‌كات و‌ كاتێكی زۆرمان بۆ ده‌گه‌ڕێننه‌وه‌ له‌كاتی كاركردنمان له‌سه‌ر سیسته‌م و به‌رنامه‌كانی كۆمپیوته‌ر، وه‌ كورتكراوه هه‌يه گشتین بۆ سیسته‌م و گشت به‌رنامه‌كان وه‌ هه‌شیانه‌ تایبه‌تن به‌ به‌رنامه‌یه‌كی تایبه‌ت وه‌كو كورتكراوه‌كانی به‌رنامه‌ی فۆتۆشۆپ.

یه‌كه‌م : كورتكراوه‌ گشتیه‌كان بۆ سیسته‌م و به‌رنامه‌كان

لۆگۆی ویندۆز: بۆ كردنه‌وه‌ی لیستی start له‌ ویندۆزدا
لۆگۆی ویندۆز + F : بۆ كردنه‌وه‌ی كرداری گه‌ڕان له‌ ویندۆزدا
لۆگۆی ویندۆز + M :دابه‌زاندنی گشت به‌رنامه‌كان بۆ سه‌ر تاسكباڕ و‌ وه‌دیارخستنی روبه‌ری شاشه‌

لۆگۆی ویندۆز + R : ‌دیارخستنی كارپێكردنی فه‌رمانه‌كانی DOS
لۆگۆی ویندۆز + F1 : ‌كردنه‌وه‌ی ده‌لیلی رێنماییه‌كانی به‌كارهێنانی كۆمپیوته‌ر
لۆگۆی ویندۆز + BREAK : دیارخستنی تایبه‌تمه‌ندییه‌كانی سیسته‌م و ئامێر
ALT + F4 : داخستنی به‌رنامه‌ كراوه‌كان یاخود داخستنی كارپێكردنی كۆمپیوته‌ر
ALT + TAB: گواستنه‌وه‌ له‌ نێوان به‌رنامه‌ كراوه‌كان
ALT + ESC :گواستنه‌وه‌ی خیرا له‌نێوان به‌رنامه‌ كراوه‌كان .
CTRL + C كۆپیكردنی مه‌له‌ف یاخود وێنه‌ یاخود دێڕێكی دیاریكراو .
CTRL + X بڕینی مه‌له‌فێك یاخود نوسینێك وه‌ له‌دواییدا گواستنه‌وه‌ی بۆ شوێنێكی تر .
CTRL + V دانانه‌وه‌ی ئه‌و شته‌ی كۆپی كراوه‌ یاخود براوه‌ .
CTRL + INSERT كۆپیكردنی به‌شێكی سه‌ره‌كی .
SHIFT + INSERT دانانه‌وه‌ی به‌شه‌ كۆپیكراوه‌كه‌ .
CTRL + N كردنه‌وه‌ی لاپه‌ڕه‌یه‌كی تازه‌ .
CTRL + W داخستنی به‌رنامه‌ی كراوه‌ .
CTRL + A دیاریكردنی گشتی له‌یه‌ك شوێندا .
CTRL + P پرێنت كردنی دۆكۆمێنتێك له‌هه‌ر به‌رنامه‌یه‌كدا بێت.
CTRL + S پاراستنی مه‌له‌فه‌كه‌ له‌هه‌ر به‌رنامه‌یه‌كدا بێت .
CTRL + O كردنه‌وه‌ی مه‌له‌فێكی خه‌زن كراو له‌هه‌ر به‌رنامه‌یه‌كدا .
CTRL + F بۆ وه‌دیارخستنی په‌نجه‌ره‌ی گه‌ڕان .
CTRL + Z گه‌ڕانه‌وه‌ بۆ دوایین هه‌نگاو له‌هه‌ر به‌رنامه‌یه‌كدا .
CTRL + Y بۆ پێشڤه‌چوون بۆ هه‌نگاوی پێشه‌وه‌ له‌هه‌ر به‌رنامه‌یه‌كدا بێت .

دووه‌م : كورتكراوه‌كانی تایبه‌ت به‌ مه‌له‌ف و فۆڵده‌ره‌كان
DELETE بۆ ڕه‌شكردنه‌وه‌ی مه‌له‌فێك یاخود فۆڵده‌رێك وه‌ گواستنه‌وه‌ی بۆ سه‌له‌ی زبڵدان .
SHIFT + DELETE بۆ ڕه‌شكردنه‌وه‌ی مه‌له‌فێك به‌بێ ئه‌وه‌ی بگوازرێته‌وه‌ بۆ سه‌له‌ی زبڵدان ( ناتوانین بیگه‌ڕێنینه‌وه‌ له‌ دواییدا ) .
F2 فه‌رمانێكی خیرا بۆ گۆرینی ناوی مه‌له‌ف و فۆڵده‌ر .
F3 بۆ دیارخستنی په‌نجه‌ره‌ی گه‌ڕان له‌نیو مه‌له‌فێكدا .
ALT + ENTER وه‌ دیارخستنی تایبه‌تمه‌ندی و زانیارییه‌كان له‌سه‌ر مه‌له‌فێكی دیاریكراو .

SHIFT + F10 وه‌دیارخستنی لیستی فه‌رمانه‌كان كه‌ده‌توانین جێبه‌جێی بكه‌ین به‌سه‌ر مه‌له‌فێك یاخود فۆڵده‌رێكدا .

سێیه‌م: كورتكراوه‌كانی تایبه‌ت به‌ په‌ڕهه‌ڵده‌ره‌وه‌ی ئینته‌رنێت
F5 دووباره‌ باركردنه‌وه‌ی لاپه‌ره‌كه‌ ( زیندووكردنه‌وه‌ی په‌ڕه‌كه‌ ) .
F4 پیشاندانی ئه‌و ناونیشانانه‌ی كه‌ پێشتر سه‌ردانت كردوون .
F6 بۆ دیاریكردنی ناونیشان له‌ شوینی نووسینیدا .
F11 بۆ كردنه‌وه‌ی لاپه‌ڕه‌كه‌ پڕ به‌ شاشه‌ وه‌ گه‌ڕانه‌وه‌ بۆ باری پێشوو .
ALT + دوگمه‌ی تیره‌ی لای چه‌پ گه‌ڕانه‌وه‌ بۆ په‌ڕه‌ی پێشوو .
ALT + دوگمه‌ی تیره‌ی لای ڕاست به‌ره‌و پێشچوونی په‌ره‌یه‌ك كه‌ كرداری گه‌رانه‌وه‌ی بۆ كراوه‌ .
CTRL + TAB گواستنه‌وه‌ له‌نێوان لاپه‌ره‌ كراوه‌كان .
ALT + D بۆ گواستنه‌وه‌ی ماوس بۆ نێو شریتی نووسینی ناونیشانه‌كان .
ENTER چوون بۆ ناویشانی دیاریكراو ئه‌گه‌ر كارسه‌ری ماوس له‌نێو لیستی نووسینی ناویشان بێت .
ESC بۆ وه‌ستانی كرداری باركردنی لاپه‌ره‌كه‌ .
HOME ڕؤیشتن بۆ سه‌ره‌تای په‌ڕه‌ی به‌رده‌ست .
END ڕۆیشتن بۆ كۆتایی په‌ڕه‌ی به‌رده‌ست .
PAGE UP چوون بۆ سه‌ره‌وه‌ی لاپه‌ره‌كه‌ زۆر به‌خێرا .
PAGE DOWN چوون بۆ خواره‌وه‌ی لاپه‌ڕه‌كه‌ زۆر به‌خێرا .
SPACE دابه‌زین بۆ خواره‌وه‌ی لاپه‌ڕه‌كه‌ به‌پێی چه‌ند دێڕێكی لاپه‌ره‌كه‌ .
BACKSPACE ڕێگایه‌كی خێرا بۆ گه‌ڕانه‌وه‌ بۆ لاپه‌ره‌ی پێشوو .
TAB گواستنه‌وه‌ له‌نێوان لینكی سایته‌كه‌ .
SHIFT + TAB گواستنه‌وه‌ی پیچه‌وانه‌ له‌نێوان لینكی سایته‌كه‌ .
تیره‌ی سه‌روو چوون بۆ سه‌رووی لاپه‌ره‌كه‌ به‌ خێراییه‌كی سروشتی .
تیره‌ی خواروو چوون بۆ خواره‌وه‌ی لاپه‌ره‌كه‌ به‌ خیراییه‌كی سروشتی .
دوگمه‌ی لیست وه‌ دیارخستنی لیستی فه‌رمانه‌كان له‌سه‌ر لاپه‌ره‌یه‌ك یاخود لینكێك .
SHIFT + F10 وه‌ دیراخستنی لیستی فه‌رمانه‌كان .
CTRL + ENTER هه‌ڵده‌سێ به‌ زیادكردنی wwwو .com له‌ سه‌ره‌تاو كۆتایی ناونیشانه‌كان .
CTRL + B هه‌ڵده‌سێ به‌ پیشاندانی لیستی په‌سه‌نكراوه‌كان .
CTRL + D هه‌ڵده‌سێ به‌ زیادكردنی ناونیشانی سایته‌كه‌ بۆ نێو لیستی په‌سه‌نكراوه‌كان .
CTRL + H بۆ كردنه‌وه‌ی مه‌له‌فی زاكیره‌ كه‌ هه‌ڵساوه‌ به‌ خه‌زن كردنی ئه‌و ناونیشانانه‌ی كه‌ سه‌ردانت كردوون .
CTRL + L وه‌ دیارخستنی په‌نجه‌ره‌ی كردنه‌وه‌ی سایتێك یاخود مه‌له‌فێكی تازه‌ .
CTRL + O وه‌ دیارخستنی په‌نجه‌ره‌ی كردنه‌وه‌ی سایتێك یاخود مه‌له‌فێكی تازه‌.
CTRL + N كردنه‌وه‌ی لاپه‌ره‌یه‌كی نوێبۆ په‌ڕهه‌ڵده‌ره‌وه‌كه‌ .
CTRL + P بۆ پرینت كردنی لاپه‌ره‌ی سایته‌كه‌ یاخود چه‌ند دێڕێكی دیاریكراو یاخود وێنه‌ .
CTRL + S بۆ پاراستنی لاپه‌ره‌ی سایته‌كه‌ بۆ نێو ئامێره‌كه‌ .
CTRL + W داخستنی په‌نجه‌ره‌ی په‌ڕهه‌ڵده‌ره‌وه‌ی ئێستا.

چواره‌م‌ً : كورتكراوه‌كانی گونجاندنی نووسین له‌كاتی نووسیندا
CTRL + B گۆڕینی نووسین بۆ خه‌تێكی ئه‌ستوور و پان .
CTRL + I گۆرینی نووسین بۆ شێوه‌یه‌كی لار .
CTRL + U دانانی خه‌تێك به‌ژێر نووسینه‌ دیاریكراوه‌كه‌ .
CTRL + D دیارخستنی شاشه‌ی گونجاندنی شێوه‌ فۆنته‌كان .
CTRL + E ناوه‌ڕاست كردنی نووسینه‌ دیاریكراوه‌كه‌ .
CTRL + J گونجاندنی دێڕه‌كان له‌گه‌ڵ لێواری لاپه‌ڕه‌كان .
CTRL + L گۆڕینی ده‌ستپێكردنی نووسین له‌لای چه‌په‌وه‌ .
CTRL + SHIFT ڕاسته‌ گۆڕینی ده‌ستپێكردنی نووسین له‌لای ڕاسته‌وه‌ .
CTRL + SHIFT چه‌په‌ گۆڕینی نووسین بۆ لای چه‌پ .
CTRL + D كردنه‌وه‌ی شاشه‌ی گونجاندنی فۆنته‌كان .
CTRL + R گۆڕینی نووسین بۆ لای ڕاست .
SHIFT+ Alt گۆرینی زمانی نووسین له‌ ئینگلیزیه‌وه‌ بۆ عه‌ره‌بی وه‌ به‌ پێچه‌وانه‌شه‌وه‌ .
SHIFT + END دیاریكردنی دێڕی نووسین له‌ شوێنی ماوسه‌وه‌ تا كۆتایی دێڕه‌كه‌ .
SHIFT + Home دیاریكردنی دێڕی نووسین له‌ شوێنی ماوسه‌وه‌ تا سه‌ره‌تای دێڕه‌كه‌.
SHIFT + تیره‌كان دیاریكردنی دێڕی نووسین له‌ شوێنی ماوسه‌وه‌ به‌پێی ئاڕاسته‌ی تیره‌كان.
لۆگۆی ویندۆز + دوگمه‌ی لیست كردنه‌وه‌ی لیستی فه‌رمانه‌كان كه‌ ده‌توانین چه‌ندین كردار جێ به‌جێ بكه‌ین به‌سه‌ر نووسینه‌ سلێكت كراوه‌كان .
CTRL + C بۆ له‌به‌رگرتنه‌وه‌ی نووسین یاخود وێنه‌ .
CTRL + X بۆ بڕینی نووسینێك یاخود وینه‌یه‌ك بۆ گواستنه‌وه‌ی بۆ شوێنیكی تر .
CTRL + V دانانه‌وه‌ی نوسینه‌ له‌به‌رگیراوه‌كه‌ یاخود بڕاوه‌كه‌
CTRL + A دیاریكردنی گشتی .
CTRL + P چاپ كردنی مه‌له‌ف .
CTRL + S پاراستنی مه‌له‌ف .
CTRL + F گه‌ڕان له‌نێو دۆكیۆمێنته‌كه‌ .
CTRL + H گۆڕینی وشه‌یه‌ك به‌ وشه‌یه‌كی تر .
CTRL + Z گه‌ڕانه‌وه‌ی یه‌ك هه‌نگاو له‌ كۆتا گۆڕانكاری كردن .
CTRL + Y به‌ره‌و پێشه‌وه‌چوون یه‌ك هه‌نگاو له‌گه‌ڕانه‌وه‌ی گۆڕانكاریه‌كان .
CTRL + دوگمه‌ی پیتی ( ج ) بچوككردنه‌وه‌ی قه‌باره‌ی فۆنتی نوسین .
CTRL + دوگمه‌ی پیتی ( د ) گه‌وره‌كردنی قه‌باره‌ی فۆنت.

پێنجه‌م : كورتكراوه‌كانی جووڵه‌كانی زمانی عه‌ره‌بی
SHIFT + دوگمه‌ی پیتی ( ذ ) نووسینی شه‌دده‌ .
SHIFT + دوگمه‌ی پیتی ( ض ) نووسینی فه‌تحه‌ .
SHIFT + دوگمه‌ی پیتی ( ت ) نووسینی (ضمة).
SHIFT + دوگمه‌ی پیتی ( ش ) نوسینی كه‌سره‌ .
SHIFT + زر حرف ( ء ) نووسینی سكوون .
SHIFT + دوگمه‌ی پیتی ( ص ) نووسینی ته‌نوین به‌فه‌تحه‌ (دوو فه‌تحه‌ ) .
SHIFT + دوگمه‌ی پیتی ( ق ) نووسینی ته‌نوین به‌ زه‌ممه‌ ( دوو زه‌ممه‌ ) .
SHIFT + دوگمه‌ی پیتی ( س ) نووسینی ته‌نوین به‌ كه‌سره‌ (دوو كه‌سره‌ ) .

شه‌شه‌م : كورتكراوه‌كانی نووسینی ژێره‌و توان و ڕه‌مزه‌كان
تێبینی : له‌كورتكراوه‌كانی خواره‌وه‌دا پێویسته‌ په‌نجه‌ داگرین له‌سه‌ر دوگمه‌ی Alt هه‌نا ژماره‌كانی دوای ئه‌ویش پریس ده‌كرێن ئینجا ده‌ست له‌سه‌ر دوگمه‌كه‌ هه‌ڵده‌گرین ، وه‌ هه‌روه‌ها ژماره‌كانیش له‌ڕاسته‌وه‌ بۆ چه‌پ پرێس ده‌كرێن .
( 2 ، 6 ، 1 ، 0 ) + ALT نووسینی ڕه‌مزی كۆمه‌ڵه‌ به‌تاڵه‌كان ( ¢ ) .
( 9 ، 8 ، 1 ، 0 ) + ALT نووسینی ژێره‌وه‌ ( ½ ) .
( 8 ، 8 ، 1 ، 0 ) + ALT نووسینی ژێره‌وه‌ ( ¼ ) .
( 0 ، 9 ، 1 ، 0 ) + ALT نووسینی ژێره‌وه‌ ( ¾ ) .
( 5 ، 8 ، 1 ، 0 ) + ALT نووسینی توان یاخود هێزی 1 له‌سه‌ر ژماره‌كه‌ بۆ نمونه‌: 10¹ .
( 8 ، 7 ، 1 ، 0 ) + ALT نووسینی توان یاخود هێزی 2 له‌سه‌ر ژماره‌كه‌ بۆ نمونه‌: 10² .
( 9 ، 7 ، 1 ، 0 ) + ALT نووسینی توان یاخود هێزی 3 له‌سه‌ر ژماره‌كه‌ بۆ نمونه‌ : 10³ .
( 3 ، 6 ، 1 ، 0 ) + ALT نووسینی ڕه‌مزی ( £ ) .
( 4 ، 6 ، 1 ، 0 ) + ALT نووسینی ڕه‌مزی ( ¤ ) .
( 5 ، 6 ، 1 ، 0 ) + ALT نووسینی ڕه‌مزی ( ¥ ) .
( 3 ، 3 ، 4 ، 1 ، 0 ) + ALT نووسینی ڕه‌مزی ( ™ ) .
( 9 ، 6 ، 1 ، 0 ) + ALT نووسینی ڕه‌مزی ( © ) .
( 4 ، 7 ، 1 ، 0 ) + ALT نووسینی ڕه‌مزی ( ® ) .
( 1 ، 4 ، 1 ، 0 ) + ALT نووسینی ووشه‌ی ( چ ) .
( 4 ، 4 ، 1 ، 0 ) + ALT نووسینی ووشه‌ی ( گ ) .
( 2 ، 4 ، 1 ، 0 ) + ALT نووسینی ووشه‌ی ( ژ ) .
( 9 ، 2 ، 1 ، 0 ) + ALT نووسینی ووشه‌ی ( پ ) .