سه‌نته‌ری نیشتمانی بۆ لێكۆڵینه‌وه‌ی جێنده‌ر راپه‌ڕینه‌ مه‌زنه‌كه‌ی خه‌ڵكی كوردستان پیرۆزده‌كات

 به‌بۆنه‌ی تێپه‌ڕبوونی 19 ساڵ به‌سه‌ر راپه‌رینه‌ سه‌رتاسه‌رییه‌كه‌ی جه‌ماوه‌ری كوردستاندا، به‌ناوی سه‌نته‌ری نیشتمانی بۆ لێكۆڵینه‌وه‌ی جێنده‌ره‌وه‌ گه‌رمترین پیرۆزبایی ئاڕاسته‌ی ته‌واوی چین و توێژه‌كانی خه‌ڵكی كوردستان به‌گشتی و كه‌سوكاری شه‌هیدان و ئه‌نفالكراوه‌كان و پێشمه‌رگه‌گیان له‌سه‌ر ده‌سته‌كان به‌تایبه‌تی ده‌كه‌ین.

ئه‌مڕۆ مایه‌ی سه‌رفرازی خه‌ڵكی كوردستانه‌ كه هه‌رێمی كوردستان وه‌ك هه‌رێمێكی فیدراڵیی له‌عیراق مافه‌ یاساییه‌كانی به‌پێی ده‌ستوریی هه‌میشه‌یی عیراق په‌یڕه‌وده‌كات و گه‌لی كوردستان به‌هه‌موو چین و پێكهاته‌ نه‌ته‌وه‌یی و ئاینیه‌كانیه‌وه‌ وه‌ك نمونه‌یه‌كی به‌رزی پێكه‌وه‌ ژیان و په‌یڕه‌وكردنی دیموكراسی له‌ عیراق و ناوچه‌كه‌ سه‌یرده‌كرێت.

سڵاو له‌یادی 5 ی ئازار یه‌كه‌مین بڵێسه‌ی راپه‌رین

سڵاو له‌جه‌ماوه‌ری شاری رانیه‌ ده‌روازه‌ی راپه‌رین و گشت شاره‌كانی كوردستان به‌شاری كه‌ركوكیشه‌وه‌ كه‌ تاجی سه‌ركه‌وتنه‌كانی راپه‌ڕینی له‌سه‌ر نا

سڵاو له‌گیانی پاكی شه‌هیدانی راپه‌رین و  گشت شه‌هیدانی كوردستان