بڵێ خۆشم ئه‌وێی

من چۆن ده‌توانم بیرت به‌رمه‌وه‌، كه‌ له‌چاوانما وێنه‌م كێشاوی...
ئه‌و فرمێسكانه‌ی له‌چاوم رژا، جوانه‌و به‌نرخه‌ نازداره‌ ناوی...
ئه‌ی چۆن ده‌توانم له‌دڵتا ده‌ركه‌م، میوان چۆن ئه‌بێ له‌ماڵ ده‌ربكرێ...
چی به‌دڵ بڵێم گه‌ر تۆی تیا نه‌بی، گه‌ره‌نتی چییه‌ له‌دووریت نه‌مرێ....

وه‌ره‌ ئازیزم ئامێزم راخه‌م، تا له‌سه‌ر سینه‌م بحه‌سێیته‌وه‌....
تا ئه‌و فرمێسكه‌ی له‌چاوم رژا، له‌سای جوانیتا برِه‌وێته‌وه‌.....
هێنده‌ شیرینی هێنده‌ خۆشم ئه‌وێی، ناتوانم ساتێ له‌دڵت ده‌ركه‌م...
به‌س ته‌نها جارێ بڵێ خۆشم ئه‌وێی، ئیتر با به‌س بێ، كه‌م گریه‌و زاركه‌م....

محه‌مه‌د ره‌حیم