هه‌موو كه‌سێكت خۆشبوێت !

سه‌ناریا ره‌ئوف 31-5-2010
گه‌وره‌ترین تۆڵه‌ بۆ دوژمنت (لێبوردن)ه‌، كاتێك مرۆڤ رق به‌كارده‌هێنێت ده‌ ئه‌وه‌نده‌ی ئه‌و كه‌سه‌ی كه‌ئه‌م رقی لێی ده‌بێت خۆی ئازار ده‌چێژێت.
هه‌موو كه‌سێكت خۆشبوێت، بۆئه‌وه‌ی هه‌میشه‌ هه‌ست به‌ئارامی بكه‌یت و ته‌ندروست بیت، چونكه‌ رق و كینه‌ مرۆڤ درِه‌نده‌ ده‌كات و له‌ئاسایه‌تی خۆی ده‌ریده‌كات.
ده‌ركه‌وتووه‌ ئه‌و مرۆڤانه‌ی كه‌خه‌ڵكییان خۆشده‌وێت و تانه‌ و توانج له‌خه‌ڵك ناده‌ن زیاتر سه‌ركه‌وتون له‌كۆمه‌ڵگادا، چونكه‌ تۆ رقت به‌رامبه‌ر خه‌ڵك به‌كارده‌هێنی، دواتر واده‌خوازیت له‌كه‌سێتی كه‌م بكه‌یته‌وه‌ به‌رِه‌فتار بێت، یاخود به‌ووته‌، كه‌ئه‌مه‌ش له‌نرخ دابه‌زاندنی خۆت و كه‌سێتی خۆت هیچ سودێكی ترت پێنابه‌خشێت، له‌هه‌مانكاتدا له‌كۆمه‌ڵگادا به‌هات دێنێته‌ خوارێ و بێزراوت ده‌كات.
بۆیه‌ له‌به‌ر خه‌ڵكی نا، له‌به‌ر كۆمه‌ڵگاش نا، له‌به‌ر ده‌روونێكی ته‌ندروست و خۆشبه‌ختی زیاتر له‌ژیاندا و كه‌سێتییه‌كی سه‌ركه‌وت و به‌درێژای ته‌مه‌نت هه‌وڵبده‌ هه‌موو كه‌سێكت خۆشبوێت.