ئه‌مڕۆ سلۆڤاكیا×پاراگوای و ئیتاڵیا×نیوزله‌نداو به‌رازیل×كۆتیڤوار روبه‌ڕووی یه‌كده‌بنه‌وه‌

والی شێخ عه‌لی 20-6-2010

له‌میانه‌ی یارییه‌كانی مۆندیالی 2010 دا كه‌ له‌ئه‌فریقیای باشور به‌ڕێوه‌ده‌چن، ئه‌مڕۆ یه‌كشه‌ممه‌ سێ یاری ئه‌نجامده‌درێن.
سه‌عات 2:30 خوله‌كی پاشنیوه‌ڕۆ به‌كاتی هه‌رێمی كوردستان له‌كۆمه‌ڵه‌ی شه‌شه‌م هه‌ڵبژارده‌ی سلۆڤاكیاو پاراگوای به‌یه‌ك ده‌گه‌ن.
سه‌عات 5 ی پاشنیوه‌ڕۆش هه‌ر له‌كۆمه‌ڵه‌ی شه‌شه‌م هه‌ردوو هه‌ڵبژارده‌ی ئیتاڵیاو نیوزله‌ندا روبه‌ڕووی یه‌ك ده‌بنه‌وه‌.
یاری سێیه‌میش له‌نێوان هه‌ردوو هه‌ڵبژارده‌ی به‌رازیل و كۆتیڤواردا ده‌بێت كه‌ ده‌كه‌ونه‌ كۆمه‌ڵه‌ی حه‌وته‌مه‌وه‌و سه‌عات 9:30 خوله‌كی شه‌و ئه‌نجامده‌درێت.
شه‌وی رابردووش له‌یارییه‌كی به‌هێزدا هه‌ردوو هه‌ڵبژارده‌ی كامیرۆن و دانیمارك روبه‌ڕووی یه‌كبوونه‌وه‌ و له‌ئه‌نجامدا دووه‌میان به‌ئه‌نجامی دوو گۆڵ به‌رامبه‌ر به‌گۆڵێك له‌كامیرۆنی برده‌وه‌.