عیراق به‌سه‌رۆكایه‌تی زیكۆ به‌شداری له‌مۆندیالی داهاتوودا ده‌كات

والی شێخ عه‌لی 24-8-2011
زیكۆ ئه‌ستێره‌ی پێشووی فوتبۆڵی به‌رازیل رایگه‌یاند كه‌گه‌یشتووه‌ته‌ رێككه‌وتنێك به‌مه‌به‌ستی راهێنانی هه‌ڵبژارده‌ی تۆپی پێی عیراق و ئاماده‌كردنی بۆ مۆندیالی دهاتوو كه‌ ساڵی 2014 له‌وڵاته‌كه‌ی ئه‌نجامده‌درێت.
هاوكات زیكۆ راشیگه‌یاند كه‌ چه‌ند ورده‌كارییه‌ك سه‌باره‌ت به‌و رێككه‌وتنه‌ ماوه‌و حاڵی حازر دانوستانی له‌سه‌ر ده‌كرێت و دوای ئه‌وه‌ گرێبه‌سته‌كه‌ ئیمزاده‌كرێت.
له‌لایه‌ن خۆیه‌وه‌ تارق ئه‌حمه‌د سكرتێری گشتی یه‌كێتی تۆپی پێی عیراق دوێنێ سێشه‌ممه‌ رایگه‌یاند كه‌ زیكۆ رۆژی پێنجشه‌ممه‌ به‌مه‌به‌ستی ئیمزاكردنی گرێبه‌سته‌كه‌ ده‌گاته‌ هه‌ولێر.